Lurraldebusek bidaiarientzako zerbitzuak etengabe hobetzen joateko helburua du, eta, ahalegin horretan, doako wifia jartzeko ahaleginean ari da autobus flota osoan. Une honetan, esperientzia aitzindari bat egiten ari da 20 bat autobusetan, Urola Erdiko lineetan, eta asmoa da zerbitzu hori flota guztian jartzea 2016. urtean.
Marisol Garmendia Mugikortasuneko eta Lurralde Antolaketako diputatuak esan duenez, "proba aitzindari hau abiarazi dugu Urola Erdiko lineetako autobusetan doako wifia jartzeko eta, hartara, erabiltzaileek zerbitzu hori erabili ahal izango dute beren euskarri mugikorretatik. Horretarako, autobusean bertan emango zaio pasahitza. Mugikortasuneko Departamentuaren asmoa da pixkanaka arreta eta informazio zerbitzuak hobetzen joatea gure erabiltzaileen mesederako, eta hau urrats bat baino ez bide horretan".
Banda zabalera datuak jaisteko mugatua izango da legeari jarraikiz, baina nahikoa izango da posta elektronikora sartzeko, sare sozialetara eta abarretara. Hauek dira esperientzia aitzindariak hartuko dituen lineak:
Sarrera zabalik egongo da erabiltzaile guztientzat, eta autobusaren sarera konektatzeko, LURRALDEBUS_GUIP_nrobus identifikazioa erabili beharko da.